سرى جداً إلى البحر / "للشاعر هشام الجخ"
2 مشترك
صفحة 1 من اصل 1
سرى جداً إلى البحر / "للشاعر هشام الجخ"
..
سرى جداً إلى البحر
للشاعر العبقري / هشام الجخ
و بنقوله يا بحر
ليه الموج فى عز الهوج مابيخلصش
و الملح سد ودانك لأجل ما تخلصش
يا بحر كام الف بنت زغزغت رجليها
ورفعت عنها الحجاب
و لزقت فستانها بالعانى على ضهرها
و جرحت رجل الواد اللى جرى فى ضهرها
و عملت ملحك دوا
و اللى جراحه هوى ملهوش طبيب غيرك
طبليه بتبخل عليا
مع ان نانا صبيه
زغزغت رجليها
و رفعت عنها الحجاب
ولزقت فستانها بالعانى على ضهرها
و جرحتنى فى مهرها
و دفعتلك راضى
خليتلى حبى قضيه
و عملتلى قاضى
و داويت بملحك جرح كيف الدبح
من امتى يا بحرالجراح بتطيب
بحبة ملح ؟
و انا اصلى واخد ع الوجع
و اما الجراح بتصيب جدع
بيصير وجعها بميت وجع
تعرف يا بحر الميت وجع !
وجع اللى حبيته وسابتنى
و وجع اللى بعنيها سبتنى
و وجع اللى عملت منى رمل ف قعر جوفك رسبتنى
و تتسعمية مليون وجع للذكريات
اصل المحبة يا بحر مش فترة و تعدى
ده عمر رايح بصوت هزارى و غلب جدى
فكر طايح يوم يجيب و شهور يودى
تسعمية مليون وجع
عدد المحارة و الودع
عدد الكلام من بين شفايفها الجمال
عدد الشماسى والكراسى و البنات عدد الرمال
عدد المطر يا ابو قلب اقسى من الحجر
كل اللى فاكرينك بتجمع للحبايب شملهم
عالم بقر
ما انا جيبتهالك
مش جيبتهالك !!
شهد الشمس اللى لسه سمارها فوق ضهرى تقولك
انى يا بحر ائتمنتك
جيبتهالك
و للا ليه شهد رمالك
على صوتك
شهد الرمل اللى مبحوح من قساوتك
و اندهه
و ان كان يجاوب اسأله فين قصور الواد دهوه ؟
هيقولولك ما انت يا بحر اللى هديتها
و سويتها ببقية الشط
هيقولولك هو هو الموج يابحر
زى ما جمع حبايب
زى ما كسر قصور
بس النوبادى يا بحر موجك القاسى كسرنى
هو انا ناقص كسور !!
لو تعرينى يا بحر تلقى جوايا بنات ملهاش عدد
ولا اتكسرتش
زى ما تقول جسمى نحس م الحريم
و بقيت وتد
بس النوبادى ما انتصرتش
بعترفلك يا بحر انى مغلوب النوبادى
بس خليك واعى دايما و افتكر مين اللى بادى
و من الليلادى لا انت صاحبى و لا اعرفك
اياك تشوفنى ببنت حلوة
وتطلب انى اعرفك
صبرك .. صبرك عليا
و هكشفك و هجرسك و هجرفك و هجوفك و هكتفك كيف الذليل
م الليلادى سماك يا بحر هتبقى ليل
م الليلادى هطفى شمسك و اطمس الدنيا و نهارها
نانا ماتت بس فاضل لسه نارها
و العزا عالق ما بينى و بينك انت
و الله ما هقبل عزاها
من قبل ما اخد بايدى تارها
القصيده على اليوتيوب ..
سرى جداً إلى البحر
للشاعر العبقري / هشام الجخ
و بنقوله يا بحر
ليه الموج فى عز الهوج مابيخلصش
و الملح سد ودانك لأجل ما تخلصش
يا بحر كام الف بنت زغزغت رجليها
ورفعت عنها الحجاب
و لزقت فستانها بالعانى على ضهرها
و جرحت رجل الواد اللى جرى فى ضهرها
و عملت ملحك دوا
و اللى جراحه هوى ملهوش طبيب غيرك
طبليه بتبخل عليا
مع ان نانا صبيه
زغزغت رجليها
و رفعت عنها الحجاب
ولزقت فستانها بالعانى على ضهرها
و جرحتنى فى مهرها
و دفعتلك راضى
خليتلى حبى قضيه
و عملتلى قاضى
و داويت بملحك جرح كيف الدبح
من امتى يا بحرالجراح بتطيب
بحبة ملح ؟
و انا اصلى واخد ع الوجع
و اما الجراح بتصيب جدع
بيصير وجعها بميت وجع
تعرف يا بحر الميت وجع !
وجع اللى حبيته وسابتنى
و وجع اللى بعنيها سبتنى
و وجع اللى عملت منى رمل ف قعر جوفك رسبتنى
و تتسعمية مليون وجع للذكريات
اصل المحبة يا بحر مش فترة و تعدى
ده عمر رايح بصوت هزارى و غلب جدى
فكر طايح يوم يجيب و شهور يودى
تسعمية مليون وجع
عدد المحارة و الودع
عدد الكلام من بين شفايفها الجمال
عدد الشماسى والكراسى و البنات عدد الرمال
عدد المطر يا ابو قلب اقسى من الحجر
كل اللى فاكرينك بتجمع للحبايب شملهم
عالم بقر
ما انا جيبتهالك
مش جيبتهالك !!
شهد الشمس اللى لسه سمارها فوق ضهرى تقولك
انى يا بحر ائتمنتك
جيبتهالك
و للا ليه شهد رمالك
على صوتك
شهد الرمل اللى مبحوح من قساوتك
و اندهه
و ان كان يجاوب اسأله فين قصور الواد دهوه ؟
هيقولولك ما انت يا بحر اللى هديتها
و سويتها ببقية الشط
هيقولولك هو هو الموج يابحر
زى ما جمع حبايب
زى ما كسر قصور
بس النوبادى يا بحر موجك القاسى كسرنى
هو انا ناقص كسور !!
لو تعرينى يا بحر تلقى جوايا بنات ملهاش عدد
ولا اتكسرتش
زى ما تقول جسمى نحس م الحريم
و بقيت وتد
بس النوبادى ما انتصرتش
بعترفلك يا بحر انى مغلوب النوبادى
بس خليك واعى دايما و افتكر مين اللى بادى
و من الليلادى لا انت صاحبى و لا اعرفك
اياك تشوفنى ببنت حلوة
وتطلب انى اعرفك
صبرك .. صبرك عليا
و هكشفك و هجرسك و هجرفك و هجوفك و هكتفك كيف الذليل
م الليلادى سماك يا بحر هتبقى ليل
م الليلادى هطفى شمسك و اطمس الدنيا و نهارها
نانا ماتت بس فاضل لسه نارها
و العزا عالق ما بينى و بينك انت
و الله ما هقبل عزاها
من قبل ما اخد بايدى تارها
القصيده على اليوتيوب ..
الأمير- عضو فعال
- عدد المساهمات : 289
تاريخ التسجيل : 08/11/2009
رد: سرى جداً إلى البحر / "للشاعر هشام الجخ"
يسلموووووووو يا امير
والله هاد شاعر روعة
ومن اجمل ما سمعت من قصائده جحا والتأشيرة
والله هاد شاعر روعة
ومن اجمل ما سمعت من قصائده جحا والتأشيرة
حازم راح- ادارى
- عدد المساهمات : 3031
تاريخ التسجيل : 25/08/2009
العمر : 37
الموقع : https://shereen-1911.yoo7.com/montada-f9/
مواضيع مماثلة
» البحر
» فوائد البحر
» ((( *** شاطىء البحر *** )))
» عذوبة البحر - موسيقى هادئة للاسترخاء و التأمل
» قالوا عن البحر
» فوائد البحر
» ((( *** شاطىء البحر *** )))
» عذوبة البحر - موسيقى هادئة للاسترخاء و التأمل
» قالوا عن البحر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى